आइतबार विदा विषयमा व्यास नगरपालिकामा आज छलफल हुने

तनहुँ — व्यास नगरपालिका ले सामुदायिक विद्यालयका प्रधानाध्यापक तथा शिक्षकहरू एवम् प्याव्सन , एनप्याब्सनलाई आइतबार विदा सम्बन्धी विषयमा छलफल गर्न निर्देशन दिएको छ। नगर कार्यपालिकाको कार्यालयले सूचना जारी गर्दै नगर शिक्षा समितिको २०८३ वैशाख २ गतेको निर्णयअनुसार उक्त व्यवस्था गरिएको जनाएको हो।
सूचनामा पछिल्लो समय आइतबार विदा सम्बन्धमा सामाजिक सञ्जालमा विभिन्न धारणा र टिप्पणी आएकोप्रति ध्यानाकर्षण भएको उल्लेख गरिएको छ। विद्यालयको पठनपाठन नियमित र प्रभावकारी बनाउन तथा पाठ्यक्रम समयमै सम्पन्न गर्न आवश्यक छलफल गर्न लागिएको जनाइएको छ।
यसअनुसार वैशाख १७ गते बिहान १०:१५ बजेदेखि सबै विद्यालयमा शिक्षक स्टाफ बैठक बस्नेछ। उक्त बैठकमा आइतबार विदासम्बन्धी विषयमा छलफल गरी निर्णय गर्न भनिएको छ।
त्यसपछि सोही दिन अर्थात आजनैँ दिउँसो १२:१५ बजे व्यास नगरपालिकाको सभाहलमा आयोजना हुने बैठकमा सबै प्रधानाध्यापकहरूले अनिवार्य रूपमा निर्णयको प्रतिलिपि सहित उपस्थित हुनुपर्ने सूचनामा उल्लेख छ।