छाेराकाे अफर लेटर आएकाे खुसीमा गाेर्खा कालिका पुजा गर्न जाँदा बाटोमै अस्ताए आमा छाेरा

तनहुँकाे व्यास न.पा १२ तल्लो छिर्कन स्थित पृथ्वीराजमार्गमा माेटरसाइकल दुर्घटनामा परेको छ ।दमौलीबाट डुम्रे तर्फ जादै गरेको ग.प्र.००३-००१ प ०३१० न.को मो.सा. चालकले नियन्त्रण गुमाई सडकको वाया साईडको कल्भर्टमा ठोकिन गई अ. ७।८ मिटर तल खस्न जाँदा दुर्घटनामा परेको हाे ।

दुर्घटनामा मो.सा चालक तनहुँकाे ऋषिङ गा.पा.६ चालिसे घर भई हाल व्यास न.पा. ५ पाटन बस्ने वर्ष अ.१९ को सन्दिप आले तथा मो.सा पछाडी सवार वर्ष ४० की मधुमायाँ आलेकाे घटना स्थलमै मृत्यु भएको जिल्ला प्रहरी कार्यालय तनहुँका डिएसपी अशोक थापाले बताए । मृतक आमा छाेरा रहेका छन् । बाराही कलेजमा १२ पास गरि बिदेश जाने तयारी गरेका उनको अफर लेटर आएकाे खुसियालीमा गाेरखा कालिका मन्दिर दर्शन गर्न जाँदै थिए । तर दैबकाे लिला भनाैँ कालिका मन्दिर नपुग्दै बिच बाटोमै उनिहरू अस्ताउन पुगेका छन् । मृतक सन्दीप एउटै छाेरा रहेको आफन्तले बताएका छन् । उनिहरूले व्यास ५ पाटन स्थित सेती हाइड्रो जाने पुल नजिकै बाटो माथि सेतीमादी रिभर कटेज चलाउँदै आएका थिए ।