काठमाडौंमा राप्रपाकाे प्रदर्शन सुरु , निषेधित क्षेत्र तोड्ने रणनीति
-राष्ट्रिय प्रजातन्त्र पार्टीले आज काठमाडौंमा सुरु गरेको प्रदर्शनमा केही फेरबदल गरेको छ ।बिहान बसेको शीर्ष नेताहरूको बैठकले पूर्वनिर्धारित योजनामा केही हेरफेर गरेको हो । यसअघि तीन ठाउँबाट र्याली निकाल्ने तय भएकामा त्यसलाई खारेज गर्दै सबै शक्ति बिजुलीबजारमा केन्द्रीत हुने निर्णय भएको हो ।
सबै नेता कार्यकर्ता बिजुलीबजारमा भेला भएर बानेश्वरतर्फ लाग्नेछन् । प्रदर्शनको नेतृत्व राप्रपा अध्यक्ष राजेन्द्र लिङदेनले गर्नेछन् । राप्रपाले बानेश्वर पुगेर निषेधित क्षेत्र तोड्ने रणनीति बनाएको छ ।
निषेधित क्षेत्र तोडेर स्वतः गिरफ्तारी दिने तयारी रहेको राप्रपाका नेताहरूले जानकारी दिएका छन् ।
