तनहुँकाे भानु नगरपालिका स्वास्थ्य शाखाको आयोजनामा डेङ्गु रोगको नियन्त्रण तथा रोगथामको लागि अभिमुखिकरण कार्यक्रम गरिएकाे छ।
भानु नगरपालिका प्रमुख आनन्दराज त्रिपाठीकाे अध्यक्षतामा भएकाे कार्यक्रममा उप-प्रमुख उमा गाेतामे , प्रदेश जनस्वास्थ्य कार्यालय तनहुँका प्रमुख अमर दवाडी, स्वास्थकर्मी, जनप्रतिनिधि , सामाजिक अगुवा, कर्मचारी, सुरक्षाकर्मी, राजनैतिक दलका प्रतिनिधी लगाएतको सहभागिता रहेकोथियो।
कार्यक्रममा सहभागीहरूलाई डेङ्गु रोगको कारण, लक्षण, उपचार विधि र रोकथामका उपायबारे विस्तृत जानकारी दिइएको थियो। कार्यक्रममा बोल्दै नगर प्रमुख त्रिपाठीले“डेङ्गु रोग नियन्त्रण सामूहिक प्रयासमार्फतमात्र सम्भव रहेको र नगरपालिकाले नियमित सरसफाइ अभियान, जनचेतनामूलक कार्यक्रम र स्वास्थ्य संस्थासँग समन्वय गरेर यो कार्यलाई प्रभावकारी बनाउने बताए। यस्तै उप- प्रमुख उमा गाेतामेले डेँगु नियन्त्रणका लागि समुदायले सरसफाइमा ध्यान दिनुपर्ने बताइन् ।
