जलस्रोत तथा सिंचाई विकास डिभीजनको कार्यालय भानुमा स्थानान्तरण हूँदै
हाल गोरखामा रहेको जलस्रोत तथा सिंचाई विकास डिभीजन कार्यालय तनहुँकाे भानु आउने भएको छ । नेपाल सरकार मन्त्री परिषद्को निर्णय बमोजिम यही आर्थिक वर्ष २०८२ श्रावण महिनाबाट उक्त कार्यालय भानु नगरपालिकामा स्थानान्तरण हुने भएको हाे ।
गण्डकी प्रदेशको तनहूँ , लमजुङ , गोरखा र मनाङ गरी ४ जिल्लामा कार्यक्षेत्र रहेको उक्त कार्यालयले पहिरो नियन्त्रण,सिंचाईका क्षेत्र ,सिंचाई डीप बोरिङ आदि क्षेत्रमा कार्य गरीरहेको छ । भानु नगरपालिका प्रमुख आनन्दराज त्रिपाठीको सक्रियताले उक्त कार्यालय भानुमा ल्याउन सम्भब भएको बताइएको छ ।
आगामी आर्थिक वर्षमा ४ जिल्लाका कार्य क्षेत्रमा करिव ५० करोडको पूँजीगत क्षेत्रमा उक्त कार्यालय आफनो कार्यक्रम रहेको जानकारी प्राप्त भएको छ ।
