कलेजाे सम्बन्धि गम्भीर बिरामी थापालाई रास्वपा म्याग्देकाे आर्थिक सहयोग
कलेजाे सम्बन्धि गम्भीर बिरामी देउबहादुर थापालाई राष्ट्रिय स्वतन्त्र पार्टी म्याग्देले आर्थिक सहयोग गरेको छ । पार्टीको स्थापना दिवसको अवसर पारेर म्याग्दे ५ साउनेपानी निवासी बिरामी थापालाई नगद १२ हजार ८ सय ५० सहयोग गरेको रास्वपा म्याग्देका सभापति मनाेज अधिकारीले बताए ।
बिगत लामो समयदेखि कलेजाे सम्बन्धि राेगबाट ग्रसित थापालाई उपचारमा केही सहयोग पुगाेस् भनेर पार्टीका साथीहरू बाट स्वस्फूर्त रूपमा रकम संकलन गरि सहयोग गरिएको सभापति अधिकारीले जानकारी दिए । अधिकारी नेतृत्वको टाेलिले थापाको निवासमै पुगी उनको आमा रितुमाया थापालाई उक्त रकम हस्तान्तरण गरेका थिए । सहयोग गरेकोमा आमा रितुमायाले अधिकारी सहितको टाेलिलाइ धन्यवाद दिएकी छन् ।
