भिमाद नगरपालिकाको २० औँ नगर अधिवेशनमा निति तथा कार्यक्रम प्रस्तुत

भिमाद नगरपालिकाको नगर सभाको २० औँ नगर अधिवेशनको पहिलो बैठक भिमाद नगरपालिकाको सभाहलमा संचालन भएको छ । सभामा सभा अध्यक्ष दधिराज सुवेदीले आर्थिक वर्ष २०८२/०८३ को वार्षिक नीति तथा कार्यक्रम , उप प्रमुख एवं न्यायिक समितिका संयोजक शारदा खनालले चालू आर्थिक वर्ष २०८१/०८२ मा न्यायिक समितिको वार्षिक प्रतिवेदन सम्वन्धी प्रस्ताव , योजना अनुगमन समितिको वार्षिक प्रतिवेदन सम्वन्धी प्रस्ताव,लेखा समितिका संयोजक श्री विर बहादुर वस्यालले लेखा समितिको २०८१।०८२ वार्षिक प्रतिवेदन सम्वन्धी प्रस्ताव पेश गरेका थिए । सभामा पेश भएका प्रस्ताव सर्वसम्मती पारित भएको थियो ।

यसका साथै बजेट तथा कार्यक्रम तर्जुमा समिति संयोजक शारदा खनालले भिमाद नगरपालिकाको आर्थिक विधेयक २०८२ र विनियोजन विधेयक २०८२ सहित आ ब २०८२।०८३ को बजेट वक्तव्य प्रस्तुत गरेकी थिइन् । साथै विधेयक समितिका संयोजक पदमबहादुर थापाले सुशासन सञ्चालन तथा व्यवस्थापन ऐन २०८२,नगर प्रवक्ता पदमराज सेन ठकुरीले नगरकार्यपालिकाको बैठकका निर्णयहरु अनुमोदनको लागि पेश गरेका थिए । प्रस्तुत भएका विधेयक, ऐन र बजेट वक्तव्यमाथि छलफल र पारितका लागि नगर सभाको २०औँ अधिवेसनको दोश्रो बैठक असार २७ गते बस्ने नगरपालिकाले जनाएको छ ।