पुर्ण अपांगता भएकी व्यास ११ की पन्थलाइ सिडियाेले घरमै पुगेर दिए नागरिकता

व्यास नगरपालिका–११ निवासी २७ बर्षकी पूर्ण अशक्त अपाङ्गता भएकी सविना पन्थलाई आइतबार नेपाली नागरिकता प्रदान गरिएको छ । प्रमुख जिल्ला अधिकारी रामकृष्ण अधिकारी सहितको टाेली उनको घरमै पुगेर नागरिकता प्रमाणपत्र प्रदान गरेका हुन् । 
वडा कार्यालयबाट अनुसूची फारम भरेर बुबा मिनानाथ पन्थ र आमा पवित्राले ल्याएपछि चाहिने आवश्यक कागजपत्र हेरेर कार्यालयबाट सबै प्रक्रिया पूरा गरी नागरिकता दिइएको प्रजिअ अधिकारीले बताए । 
“रजिष्टरमा दर्ता,कार्ड प्रिन्ट र निजको फोटो टाँस लगायतका काम गरी ढड्डा लिएर गएर संम्बन्धित व्यक्तिको ल्याप्चे र नागरिकतामा ल्याप्चे लगाएपछि नागरिकता प्रदान गरिएको जिल्ला प्रशासन कार्यालयले जनाएको छ ।

हेर्दा सकुशल जस्तो देखिएपनि गम्भीर प्रकृति रहेकि सविनाको बोली पनि छैन्,होश पनि छैन् र “ढोका खुला देखेपछि भागिहाल्ने समस्या रहेकाे छ । घरमै नागरिकता पाउँदा उनका परिवार खुशी भएका छन् ।” 
अपाङगता भएका र अशसक्त व्यक्तिलाई कार्यालयमा आएर सेवा लिन असहज भएको जानकारी आएमा मानवीय संवेदन र राज्यको दायित्व सम्झिएर घरमै पुगेर सेवा दिइने गरेको छ ।
कार्यालयका अनुसार यसअघि प्रजिअ अधिकारीको सक्रियतामा जिल्लाको म्याग्दे गाउँपालिकाकी एक युवती र आँबुखैरेनीका एक बृद्वालाई घरमै पुगेर नागरिकता प्रदान गरिएको थियो ।