भोर्लेटारचाेकमा लागुऔषधसहित युवक पक्राउ

तनहुँ — व्यास नगरपालिका–४ भोर्लेटार चोकस्थित पृथ्वीराजमार्गबाट प्रहरीले लागुऔषधसहित एक युवकलाई पक्राउ गरेको छ।
मिति २०८३/०१/२२ गते बिहान करिब ०४:१५ बजे जिल्ला प्रहरी कार्यालय तनहुँबाट खटिएको टोलीले शंका लागी चेकजाँच गर्दा व्यास नगरपालिका–११ डिगाउँ निवासी २७ वर्षीय ईनाम गुरुङलाई नियन्त्रणमा लिएको हो।
चेकजाँचका क्रममा गुरुङको शरीरमा लुकाइछिपाइ राखिएको Diazepam ६ एम्पुल, Buprenorphine ६ एम्पुल र Phenergan ६ एम्पुल गरी जम्मा १८ एम्पुल बरामद भएको प्रहरीले जनाएको छ।

पक्राउ परेका गुरुङलाई जिल्ला प्रहरी कार्यालय तनहुँमा राखी थप अनुसन्धान भइरहेको छ।