चोक मावि रामपुरटारको ९० औं वार्षिकोत्सव सम्पन्न

तनहुँकाे भानु १० स्थित श्री चोक मावि रामपुरटारको ९० औं वार्षिकोत्सव तथा अभिभावक दिवस समारोह भव्य रूपमा सम्पन्न भएको छ । वार्षिकोत्सब कार्यक्रमकाे प्रमुख अतिथि तनहुँ क्षेत्र नं १ का प्रतिनिधिसभा सदस्य डा. स्वर्णिम वाग्लेले उद्घाटन गरेका थिए ।

कार्यक्रममा भानु नगरपालिकाका नगर प्रमुख आनन्दराज त्रिपाठी, नपाका उपसचिव ध्रुवराज पौडेल , सामाजिक विकास समितिका संयोजक हरिहर उप्रेती , कर्मदा माविका सप्रअ रिदय भट्ट, सरस्वती आविका प्रअ सन्तनु अधिकारी, सहयोगी दाता सुर्यनाथ अधिकारी, शिअसंघका अध्यक्ष गोकर्ण अधिकारी लगायतले शुभकामना मन्तब्य राखेका थिए । विव्यस अध्यक्ष अर्जुनराज कंडेलको अध्यक्षतामा सम्पन्न उक्त कार्यक्रमकाे विद्यालयका शिक्षक द्वय केशबराज कोईराला र गजेन्द्र लौडारीले सञ्चालन गरेका थिए । कार्यक्रममा चोक माविका कलाकार विद्यार्थीहरूले विविध साँस्कृतिक कार्यक्रमहरु प्रस्तुत गरेका थिए ।
उक्त कार्यक्रममा शिक्षक, विद्यार्थी, अभिभावक वर्ग, शिक्षाप्रेमी, बुद्धिजीवी, समाजसेवी, छिमेकी विद्यालयका प्रअ तथा विव्यस अध्यक्षहरू र विद्यालयका पुर्व विद्यार्थीहरूको उल्लेख्य उपस्थिति रहेको थियो ।
साे अवसरमा बिद्यालयका प्रधानाध्यापक अमृत नेपालीबाट वार्षिक शैक्षिक एवं आय-व्ययको प्रतिवेदन प्रस्तुतीकरण भएको थियो ।