बिद्यार्थीलाई पाइपले कुट्ने गाेरखकाली बाेडिङका शिक्षक अर्विन प्रहरी नियन्त्रणमा

बिद्यार्थीलाई पाइपले कुट्ने गाेरखकाली आवासीय मावि दमाैलीका शिक्षक अर्विन नेपालीलाई प्रहरीले नियन्त्रणमा लिएको छ । व्यास ३ शान्तिनगरमा रहेको गाेरखकालीका बिज्ञान शिक्षक अर्विनले कक्षा काेठामा बिद्यार्थीले मकै खाएकाे र साेधेकाे प्रश्नको उत्तर दिन नसकेको भन्दै पाइप तथा हातले कुटेकाे विषय बाहिर आएपछी उनलाई प्रहरीले नियन्त्रणमा लिएको हाे ।

शिक्षकको कुटाइबाट ३ जना बिद्यार्थीकाे शरीरका विभिन्न भागमा राताे डाम बन्नुको साथै सुनिएको थियो भने केहीलाई हातले चड्काएका थिए । संकल्प कंडेल , रिदम खड्का , जुन गुरूङ लगायतका कुटाइ खाएका बिद्यार्थीहरूले आफुहरूलाइ सरले पाइपले कुटेको बताएका थिए । बिद्यार्थीहरूले रूँदै हामी लगायत अन्य धेरै साथीहरूलाई पनि सरले कुटेको बताएका थिए ।

यश सम्बन्धमा कुट्ने शिक्षक अर्विन नेपाली सँग प्रतिक्रिया माग्दा आफुले कुटेको स्विकारिसकेका छन् । कक्षा काेठामा मकै खाने , साेधेकाे नजान्ने लगायतमा आफुले कुटेको तर कुट्नु गल्ती भएको उनलेे स्विकारेका छन् । यही बिषयमा बिद्यालयबाट समेत बिद्यार्थीलाई कुट्नु सरासर गलत भएको प्रतिक्रिया आइसकेकाे छ ।