काङ्ग्रेस मन्त्रीहरूलाइ सभापति देउवाले बाेलाएपछी सरकार फेरबदलकाे चर्चा
नेपाली कांग्रेसका सभापति शेरबहादुर देउवाले पार्टीका तर्फबाट सरकारमा सहभागी सबै मन्त्रीहरूलाई छलफलका लागि आज बिहान ८ बजे बूढानीलकण्ठस्थित आफ्नो निवासमा बाेलाएका छन् ।
मन्त्री भएपछि आफूले गरेको कामको प्रगति विवरण र सामना गर्नुपरेका समस्याहरू ब्रिफिङ गर्न सामुहिक रूपमा मन्त्रीहरूलाइ बोलाइएकाे भनिएपनी राजनीतिक वृत्तमा धेरै अड्कलबाजि हरू गरिएको छ ।
नेकपा (एमाले)का अध्यक्ष केपी शर्मा ओली नेतृत्वको वर्तमान सरकारमा कांग्रेसतर्फबाट आठ मन्त्री छन् । मन्त्रीहरूको कामका विषयमा जनगुनासो बढेपछि देउवाले छलफलका निम्ति बोलाएकाे काङ्ग्रेसले बताएको छ । यद्यपि यही बिषयले अहिले सरकार फेरबदलकाे समेत चर्चा सुरु भएको छ । सभापति देउवाले सबै मन्त्रीलाई बाेलाउनु र विपक्षीहरू एकजुट हुनुलाई अर्थपूर्ण रूपमा हेरिएको छ ।
यता विपक्षी दलका नेताहरूको बैठकमा सहभागी माओवादी केन्द्रका वरिष्ठ उपाध्यक्ष नारायणकाजी श्रेष्ठले ओली सरकार “देश चलाउन असफल” रहेको टिप्पणी गरेका छन्। उनले संसद्को निष्क्रियता र अध्यादेशमार्फत शासन चलाउने प्रवृत्तिलाई “लोकतान्त्रिक मूल्यविपरीत” भन्दै आलोचना गरे।
यस्तै, काङ्ग्रेस , माओवादी केन्द्र, राष्ट्रिय स्वतन्त्र पार्टीलगायत दलहरूले सरकारविरुद्ध साझा धारणा बनाउन छलफल तीव्र पारेका सम्बन्धि चर्चा छ । यसले ओली नेतृत्वको सरकार ढल्ने र शेरबहादुर देउवा नेतृत्वमा नयाँ गठबन्धन सरकार बन्ने सम्भावना रहेको आँकलन गरिएको छ ।
