बन्दीपुरमा भएको राष्ट्रपति रनिङ शिल्ड प्रतियोगिताकाे उपाधि पवित्रा माविलाई

तनहुँको बन्दीपुरमा आयोजित अन्तर बिद्यालय स्तरिय छैठौँ राष्ट्रपति रनिङ शिल्ड प्रतियोगिता को उपाधि पवित्रा माविले हात पारेको छ । बन्दीपुर १ मा रहेको पवित्राले नौ स्वर्ण पाँच रजत र चार काश्य जित्दै प्रथम हुन सफल भएको हो। पवित्रा माविले प्रथम पुरस्कार स्वरूप शिल्ड मेडल प्रमाणपत्र र नगद रु १५ हजार प्राप्त गरेको छ।

योसँगै लगातार तिन पटक शिल्ड जित्दै पवित्रा माबिले ह्याट्रिक गर्न पनि सफल भएको छ । यसअघि पवित्रा माविले लगातार दुई पटक पहिलो स्थानसहित उपाधि जितेसकेको थियो । लगातार ३ बर्ष उपाधी हात पारे संगै पवित्राले मुख्य शिल्ड प्रमाणपत्र र नगद रु १० हजार समेत हात पार्न सफल भएको छ ।