अभियुक्त छुटाइदिन्छु प्रहरी इन्स्पेक्टर हाे भन्दै रकम ठगी गर्ने दाहाल पक्राउ
प्रहरी हिरासतमा रहेका अभियुक्तलाई छुटाइदिन्छु भन्दै रकम ठगी गरेको आरोपमा सुनसरीको इनरुवा-६ का २२ वर्षीय आकाश उर्फ बिनोद दाहाल पक्राउ परेका छन् ।
दाहालले नेपाल प्रहरीको प्रहरी निरीक्षक हुँ भन्दै लागू औषध कारोबारको मुद्दामा हिरासतमा रहेका अभियुक्तलाई छुटाइदिन्छु भनि विभिन्न व्यक्तिहरूसँग रकम ठगी गरेको आरोप छ । इलाका प्रहरी कार्यालय पकलीमा लागू औषध कारोबारको मुद्दामा हिरासतमा रहेका हेमन विश्वकर्मालाई छुटाइदिन्छु भन्दै उनले रकम ठगी गरेको खुलेको छ ।
सुनसरी प्रहरीका अनुसार विनोदले हेमनकी आमासँग आफू प्रहरी निरीक्षक भएको र भनेजति पैसा दिए उनलाई छुटाइदिने भन्दै ४० हजार रुपैयाँ ठगी गरेका थिए । उनीमाथि जिल्ला अदालत सुनसरीबाट ७ दिनको म्याद थप गरी प्रहरीले अनुसन्धान थालेको छ ।
