अमेरिका पठाइदिने भन्दै ठगी गरेका व्यासका पाण्डे पक्राउ
अमेरिका पठाईदिमे प्रलोभन देखाएर मोटो रकम ठगी गरी सम्पर्कबिहीन भएका तनहुँका एक जना युवा काठमाण्डौमा पक्राउ परेका छन्।
तनहुँको व्यास नगरपालिका–१२ स्थायी घर भई हाल काठमाडौं चन्द्रगिरी नगरपालिका–७ मा बसोबास गर्दै आएका ३० वर्षीय रञ्जन पाण्डे अमेरिका पठाईदिमे प्रलोभन देखाएर मोटो रकम ठगी गरेको आरोपमा पक्राउ परेका हुन्।
अभियुक्त पाण्डेले अमेरिका पठाइदिने प्रलोभन देखाउँदै ७५ लाख ५० हजार रुपैयाँभन्दा बढी रकम ठगी गरी सम्पर्कबिहिन भएको भन्दै उजुरी परे पछि पाण्डेलाई पक्राउ गरिएको काठमाडौं उपत्यका अपराध अनुसन्धान कार्यालयका प्रहरी उपरीक्षक काजीकुमार आचार्यले जानकारी दिए।
प्राप्त जाहेरीको आधारमा प्रहरीले उनलाई पक्राउ गरी प्रारम्भिक अनुसन्धानपछि थप कारबाहीका लागि जिल्ला प्रहरी परिसर, भद्रकाली पठाएको जनाएको छ।
