नेपाल रेडक्रस सोसाइटी तनहुँ शाखाको ४२ औं साधारण सभा दमाैलीमा सम्पन्न

नेपाल रेडक्रस सोसाइटी तनहुँ शाखाको ४२ औं साधारण सभा सनिवार दमाैलीमा सम्पन्न भएको छ ।साधारणसभाकाे नेपाली काङ्ग्रेसका केन्द्रीय सदस्य शंकर भण्डारीले उद्घाटन गरेका थिए । कार्यक्रमकाे उद्घाटन गर्दै प्रमुख अतिथि भण्डारीले रेडक्रसमा देखिएको समस्यालाई तत्काल समाधान गर्ने विषयमा सरकारको ध्यान पुग्नु पर्नेमा जोड दिए । रेडक्रस पवित्र भावनाले स्थापना गरिएको सामाजिक संस्था भएपनि रेडक्रसमा नेतृत्व तहमा पुगेका केही व्यक्तिहरुका कारण रेडक्रस बदनाम गर्ने काम हुनु अत्यन्त दुःखद विषय भएको सांसद भण्डारीले बताए । विपद् घडीमा रेडक्रसले पुरयाउँदै आएको मानवीय सेवा सारा दुनियाँका लागि सह्रानीय कार्य भएको हुँदा त्यस किसिमका कार्यलाई रेडक्रसले निरन्तरता दिनुपर्ने सांसद भण्डारीको भनाइ थियो ।

नेपाल रेडक्रस सोसाईटी तनहुँ शाखाका सभापति प्रा.डा.कृष्णप्रसाद गौतमको सभापतित्वमा भएको कार्यक्रममा जिल्ला समन्वय समिति तनहुँका सभापति शान्तिरमण वाग्ले ,व्यास नगरपालिकाका प्रमुख बैकुण्ठ न्यौपाने ,रेडक्रस तनहुँका पूर्व सभापतिहरु उदयराज गौली , परशुराम गिरी ,कृष्णहरि वाग्ले लगायतले रेडक्रसको पवित्रा भावनालाई मनन गरी सामाजिक सेवामा लाग्नुपर्नेमा जोड दिएका थिए ।