ऋषिङ्गमा भएको तीज गीत प्रतियोगितामा ग्याजा आमा समूह प्रथम

ऋषिङ गाउँपालिकाकाे आयाेजनामा महिलाहरूको महान पर्व हरितालिका तिजको अवसरमा ऋषिङ्गमा आयोजित वडास्तरीय महिला खुला तिज गीत प्रतियोगिता सम्पन्न भएको छ ।
“ऋषिङ्गको विकासमा पूर्व र वर्तमान अवस्थाः संघीयतामा महिलाहरूको भूमिका” शीर्षकमा आइतबार आयोजना गरिएको यस प्रतियोगिताकाे संघीय मामिला तथा सामान्य प्रशासन मन्त्री भगवती न्यौपानेले उद्घाटन गरेकी थिइन् ।

प्रतियोगितामा सहभागी १५ टिमलाई पछि पार्दै ग्याजा आमा समूह, ऋषिङ्ग १ प्रथम भएको छ । यस्तै लालिगुराँस आमा समूह, ऋषिङ्ग ५ द्धितीय ,प्रगति महिला संजाल, ऋषिङ्ग ४ तृतीय र नमुना आमा समूह, सुकेपोखरी , ऋषिङ्ग २ सान्त्वना भएका छन् ।प्रतियोगितामा प्रथम हुने समुहले प्रथम पुरस्कार रु. २० हजार,द्वितिय पुरस्कार रु. १५ हजार,तृतिय पुरस्कार रु.दश हजार र प्रमाणपत्र र सहभागी पुरस्कार रु.चार हजार प्राप्त गरेका छन् । प्रतियोगितामा बिजयी टिमलाई ऋषिङ्ग गाउँपालिकाका अध्यक्ष राजेन्द्र कृष्ण श्रेष्ठ ,उपाध्यक्ष गिनुमाया थापा , प्रमुख प्रशासकिय अधिकृत अनिल अंगाइ लगायतले पुरस्कार वितरण गरेका थिए ।