व्यास ११ मा कोभिड पार्क निर्माण गर्न आजबाट महायज्ञ सुरु

तनहुँकाे व्यास नगरपालिका वडा नं ११ रातामाटा बेलथुम्कीमा कोभिड पार्क निर्माण गर्ने उद्धेश्यका साथ आजबाट महायज्ञ सुरु भएको छ । महायज्ञकाे एक समारोहबीच गण्डकी प्रदेश सभा सदस्य अशोककुमार श्रेष्ठले उद्घाटन गरेका छन् ।
कार्तिक १३ गते देखि २१ गतेसम्म हुने सप्ताह व्यापी ज्ञान महायज्ञकाे सांसद श्रेष्ठले उद्घाटन गरेका हुन् । महायज्ञमा करिब १ करोड रुपैयाँ संकलन गर्ने लक्ष्य राखिएको महायज्ञ मुल समारोह समितिका संयाेजक बिरेन्द्र अधिकारीले बताए ।

पार्कलाई मानवता ,अध्यात्म र प्राकृतिक सौन्दर्यको केन्द्र बनाईने उद्धेश्यका साथ महायज्ञ आयाेजना गरिएको हाे । उद्घाटन कार्यक्रममा वडा नं ११ का वडा अध्यक्ष दलबहादुर दुरा र पूर्व वडा अध्यक्ष निरबहादुर खड्का लगायतले महायज्ञ सफल बनाउने बारेमा बोलेका थिए । महायज्ञमा मुख्य वाचन पण्डित दिपक प्रसाद पाैडेलले गर्ने छन् ।