तीन तारे होटलमा निवर्तमान सभापति न्यौपानेले गरे गुटको भेला

नेपाली कांग्रेस तनहुँका निवर्तमान सभापति बैकुण्ठ न्यौपानेले तीन तारे सिद्धार्थ होटलमा केही दिन अगाडि गुटको भेला गरेका छन् ।

निवर्तमान सभापति न्यौपानेले गरेको गुटको भेलामा कांग्रेस तनहुँका पूर्व सभापति रघुनाथ पौडेल ,महासमिति सदस्य डोवाटे वि.क.,महासमिति सदस्य सरिता गुरुङ,गण्डकी प्रदेश सांसद अशोककुमार श्रेष्ठ, पूर्व मेयर ताराप्रसाद श्रेष्ठ , क्षेत्रीय सभापति श्याम मौरती , प्रदेश सभापति विशेश्वर खनाल , नगर सभापति सूर्यचन्द्र हड्खले लगायतको उपस्थिती रहेको बुझिएको छ ।

निवर्तमान सभापति न्यौपानेले आफ्नो गुट मजबुत बनाउने उदेश्यले तीन तारे होटलमा भेला आयोजना गरेको बुझिएको छ । गुटको भेलामा पूर्व नगरप्रमुख श्रेष्ठ मौन रुपमा बसेकाे नाम नवताउने सर्तमा एक सहभागीले बताए । पार्टीको सय दिने अभियान सञ्चालनको पूर्व सन्ध्यामा न्यौपानेले गरेको गुटको भेलालाई कांग्रेस वृतमा निकै चासोको साथ हेरिएको छ ।खासगरी थप क्रियाशिल सदस्य नविनकरणमा आफ्नो खेमालाई मजबुत बनाउन न्यौपानेले निर्देशन दिएका ती सहभागीले बताए ।

आफ्नो खेमामा बलियो र सशक्त रूपमा बस्न सहभागीहरुलाई निवर्तमान सभापति न्यौपानेले चेतावनीयुक्त भाषामा भनेका थिए । जसमध्ये पुर्व सभापति न्यौपानेको निर्देशनलाई क्षेत्रीय सभापति माैरती र नगर सभापति हड्खलेले शीरधार्य गर्ने प्रतिवद्धता जाहेर गरेका थिए ।