सामुदायिक सेवा केन्द्र द्वारा डिएसपी विक लाई स्वागत

भर्खरै सरुवा भएर जिल्ला प्रहरी कार्यालय तनहुँमा आएका प्रहरी नायव उपरीक्षक डिएसपी श्रवण कुमार बिकलाई सामुदायिक सेवा केन्द्रले स्वागत गरेको छ । केन्द्रका पदाधिकारीहरुले डिएसपी बिकलाई फूलको गुच्छा,टीका,खादा र दोसल्ला ओढाएर स्वागत गरेका हुन् । 

उक्त स्वागत कार्यक्रममा बाेल्दै डिएसपी विकले बर्दीसहितको प्रहरी र बर्दी बिनाको नागरिक मिलेर सभ्य र सुरक्षित समाज निर्माणमा जुट्नुपर्ने बताए । प्रहरी र नागरिक दुबैको मेल भएमा मात्रै समाजमा शान्ति,सुरक्षा र अमनचयन कायम गर्न सकिने उनको भनाइ थियो ।“अपराधिक गतिविधी रोक्न र अनुसन्धानका लागि नागरिकको उत्तिकै भूमिका हुने हुनाले प्रहरीले नागरिकसंग सुझाव सल्लाह,सहकार्य र समन्वय गर्दै अघि बढ्न आवश्यक रहेको बताए ।
नागरिकले महसुस गर्ने किसिमले समुदायमा काम गर्नका लागि प्रहरी सदैव नागरिकको साथमा रहेर काम गर्ने प्रतिबद्धता समेत डिएसपी बिकले व्यक्त गरेका थिए ।
केन्द्रका संस्थापक अध्यक्ष गोविन्द पन्थले नागरिक र प्रहरी मिलेर समाजमा पुलको काम गर्न सकिने हुँदा समाज सुधारमा हातेमालो गर्दै अघि बढ्नुपर्ने बताए। 
विसं २०६६ सालमा स्थापित यस सामुदायिक सेवा केन्द्रले समाजमा हुने विकृति र बिसंगतिलाई न्यूनिकरण गर्न जोड दिदै आएको छ । नेपाल पत्रकार महासंघ तनहुँका अध्यक्ष धनपति अधिकारीले प्रहरी र नागरिक बीचको संम्बन्ध नङ र मासुको जस्तै बनाइ सकारात्मक समाज परिवर्तनमा लाग्नुपर्ने धारणा राखेका थिए । कार्यक्रममा सामुदायिक सेवा केन्द्रका पुर्व अध्यक्ष गाेविन्द पन्थ , राजेश्वर हड्खले , महासचिव तारानरेश पाैडेल लगायतले बाेलेका थिए ।